(8361)222-84-07

slabo

  • sla123
  • slay321
  • tashpminf1
  • tashpminf2
  • tashpminf3
  • tashpminf4
  • tashpminf5
  • Tashkent pediatriya meditsina instituti No'kis filiali

Қарақалпақстанда-жоқары медицина билимлендириў системасы табыслы раўажланып келмекте.

Автор: mednf.uz on .

fon instetutaҲәммемизге белгили, буннан 28 жыл алдын, Қарақалпақстан Республикасында Ташкент педиатрия медицина институты Нөкис филиалы ашылды. Усы ғәрезсизлик дәўиринде бул институт айтарлықтай жетискенликке ерисип, елимиздиң ең үлгили жоқары оқыў орнына айланып келмекте. Филиал директоры, профессор Атаниязова Орал Аминовнаның пикиринше-бүгинги күнде нәтийжели жумыс алып барыў ушын жас кадрларды халықаралық стандартларға сәйкес таярлаўда мәмлекетимизде бәрше имканиятлар жаратылған.

 

  Буның айқын дәлийли сыпатында филиалда Россия, Қубла Кореа менен биргеликте ашылған халықаралық факультети, институт филиалына қараслы заманагөй үлгиде бой тиклеп атырған «Халықаралық жоқары технология инновацион клиникасы» қоспа халықаралық илимий, магистратура ҳәм докторантура бағдарламаларының бар екенлигин атап өтсек болады. Усындай тынымсыз мийнет арқасында, 2019-жыл августь айында жәрияланған Webometrics халқара рейтинг системасы тийкарында Ташкент педиатрия медицина институты Нөкис филиалы Өзбекстан Республикасы жоқары оқыў орынлары бойынша 3-орынды ийелеп, мәмлекетимиздиң ең үлгили жоқары оқыў орынлары қатарына кирди. Бул халықаралық рейтинг система бойынша биринши орынды Өзбекстан миллий университети, екинши орынды Ташкент ахборот технологиялары университети ийеледи.
   Соны айтып өтиў керек Webometrics халықаралық рейтинг система (Webometrics Ranking of World Universites) Испанияда 2004 жылы шөлкемлестирилген ҳәм бүгинги күнде дүнья жүзинде ең белгили халықаралық ғәрезсиз илимий рейтинг система болып есапланады. Жоқары оқыў орынларының рейтингин, илимий жумыслары, илимий мақалалары, веб-сайт сапасы ҳәм басқа бийғәрез көрсеткишлер арқалы экспертлер топары белгилейди.
Орал Атаниязованың пикиринше – «Ташкент педиатрия медицина институты Нөкис филиалы жәмәәти ушын бул әлбетте жоқары жетискенлик. Президентимизге кейинги жыллары жоқары оқыў орынларына көрсетилип атырған итибарлары, имканиятлар ушын шексиз миннетдармыз. Бизиң алдымызға қойған мақсетимиз дүнья жүзлик ТОП 1000 жоқары оқыў орынлары катарына ерисип жанажан Өзбекстанымыздың абройына өз үлесимизди қосыў».