(8361)222-84-07

slabo

Печать

Axborot resurs markazi

 

Kitobxonlik madaniyatini yuksaltirish-buyuk

maqsadlarimizga erishishning muhim kafolatidir

Sh.M. Mirziyoуev

                                                  Axborot - resurs markazi

Prezidentimizning 2017 yil 12 sentyabrdagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish, targ‘ibot qilish bo‘yicha kompleks chora-tadbirlar dasturi to‘g‘risida” PQ-3271 sonli qarori, “Axborot-kutubxona faoliyati to‘g‘risidagi qonun”, “Axborot-kutubxona muassasalarini badiiy, ilmiy-ommabop, ma’naviy-ma’rifiy adabiyotlar bilan ta’minlash haqidagi qonuni” kutubxonalar faoliyatida amalga oshirilayotgan rivojlanish va o‘zgarishlarga asos bo‘lmoqda. Respublika aholisiga ko‘rsatilayotgan xizmatlarning yangi turini shakllantirish, kutubxonalarning axborot-resurs markazi sifatida yangi mavqeyini belgilash, turli idoralarga tegishli axborot-resurs markazlarining o‘zaro hamkorligi va muvofiqligi bo‘yicha munasabatlarini mustahkamlash hamda milliy va xalqaro axborot hamjamiyatida o‘z o‘rnini egallab, asosiy huquqiy hujjat vazifasini bajaradi. Mamlakatimiz aholisiga axborot-kutubxona xizmati ko‘rsatishni rivojlantirish va takomillashtirish yo‘llari belgilab berilgan.
Hukumatimiz tamonidan qabul qilingan qarorlar, fan, ta’lim va madaniyatning yuksalishiga keng imkoniyatlar ochib berish bilan birga, axborot manbayi bo‘lgan kutubxonalarning faoliyatiga ham katta o‘zgarishlar kiritilishiga va zamon talablariga mos darajada rivojlanishiga zamin yaratdi.
Axborot-kutubxona muassasalarini axborot-kommunikaciya texnologiyalari bilan ta’minlash, kadrlar malakasini oshirish va qayta tayyorlash, ta’lim muassasa talabalarini hamda aholining zamonaviy axborot-texnologiyalaridan foydalangan holda muntazam ta’lim olishi va mustaqil bilim egallashiga erishish, xalqaro kutubxonalararo abonement tizimini yo‘lga qo‘yilishi, elektron ma’lumotlar bazalarini shakllantirish orqali axborot-bibliografiya xizmatini ko‘rsatish uchun katta imkaniyotlar eshigi ochib berildi.
Kutubxona tarixi
Toshkent pediatriya tibbiyot instituti Nukus filiali kutubxonasi 1991 yil tashkil etilgan. Daslabki yillari kutubxona fondi 20 ming nusxaga yaqin adabiyotlardan iborat bo‘lib Toshkent, Samarqand, Andijon tibbiyot va farmatseftika institutlari tamonidan sovg‘a tariqasida berilgan adabiyotlar bilan to‘ldirilgan. Axborot-resurs markazi fondi doimiy ravishda respublikada va Hamdo‘stlik mamlakatlarda nashr qilingan adabiyotlar bilan birgalikda filialimiz professor-o‘qituvchilari tamonidan chiqarilgan yangi darslik va o‘quv-metodik qo‘llanmalar bilan to‘ldirilib kelinmoqda.
                                 Axborot-resurs markazi bugungi kunda

Axborot-resurs markazining umumiy kitob fondi - 73975 nusxa kitoblardan iborat, shundan: darsliklar - 32172, o‘quv qo‘llanmalar - 15105, siyosiy adabiyotlar - 4415, ilmiy adabiyotlar - 1380, uslubiy qo‘llanmalar - 509, badiiy adabiyotlar - 20401 nusxadagi adabiyotlarni tashkil etadi. Axborot-resurs markazida 4 ta asosiy o‘quv zali talabalarga, ordinatorlar, professor-o‘qituvchilarga va aholiga xizmat ko‘rsatadi, 52 dona zamonaviy kompyuterlar bilan jihozlangan. Foydalanuvchilarning keng qamrovli dunyoviy axborotlarga ega bo‘lishi uchun kompyuterlar lokal va Internet tarmoqlariga “Ziyonet” va boshqa ilmiy ma’lumotlar tizimlariga ulangan.
ARMning elektron kutubxona bazasida barcha fanlardan darsliklar va qo‘llanmalar, ma’ruza matnlarining elektron nusxalari yaratilgan. “ARMAT” dasturi asosida adabiyotlarning elektron katalogini tuzish ishlari olib borilmoqda. Hozirgi kunda elektron katalogga kiritilgan bibliografik yozuvlar soni 5800 - nomda, 31080 - nusxadagi adabiyotlarni tashkil etadi.

parsha2

2018 yilda Respublikamizda nashr etilayotgan 56 nomdagi, 74 nusxada gazeta va jurnallarga o‘quv zali uchun obuna tashkil etildi. Talabalar uyida ham ARM filiali mavjud bo‘lib, talabalarga zarur bo‘lgan darslik va o‘quv qo‘llanmalar, badiiy adabiyotlar bilan ta’minlangan. Yangi gazeta va jurnallar bilan muntazam ravishda to‘ldirib borilmoqda.
Elektron o‘quv zallarida shet el ma’lumotlar bazalaridan foydalanish imkoniyotlari:
• Academic Search Premier;
• Business Source Premier;
• MasterFILE ™ Premier;
• Medline;
• Health Source® Consumer Edition;
• Health Source: Nursing/Academic Edition;
• Newspaper Source;
• Regional Business News;
• ERIC®, the Educational Resource Information Center;
• GreenFile;
• Library, Information Science & Technology Abstracts™.                                                                                                     • Web of Science