(8361)222-84-07

slabo

  • sla123
  • slay321
  • tashpminf1
  • tashpminf2
  • tashpminf3
  • tashpminf4
  • tashpminf5
  • Tashkent pediatriya meditsina instituti No'kis filiali

«ДҮНЬЯНЫҢ ГӨЗЗАЛЫ-СИЗЛЕРСИЗ ҲАЯЛ!»

Written by mednf.uz on .

        2016 –жыл 7-март куни ТашПМИ Нөкис филиалының  мәжилислер залында филиал жәмаатының  кәсиплик аўқамы,  ҳаял-қызлар басланғыш шөлкеми ҳәм барлық профессор-оқытыўшылар қатнасыўында «Дуньяның гөззалы-сизлерсиз ҳаял!»  атамасында  салтанатлы байрам кешеси болып өтти.

         Кешени  директор орынбасары Ғ.Мәмбеткаримов кирис сөзи менен ашып берди ҳәм филиал ҳаял-қызларын 8-март халықаралық ҳаял –қызлар күни менен қутлықлады. Буннан соң,  ҳаял-қызлар басланғыш шөлкеми баслығы А.Ермекбаева байрамға бағышланған  «Дуньяның гөззалы-сизлерсиз ҳаял» темасында баянаты менен сөзге шықты. Баянатшы 2015-2016 жылларда филиал ҳаял-қызлары, профессор оқытыўшыларының илим, спорт, сиясий тараўларда қолға киргизген жетискенликлерине айрықша тоқтап өтти ҳәм олардың жәмийет турмысында, елимизге маман шыпакер кадрларды таярлап бериўде салмақлы үлес қосып атырғанын мақтаныш етсек арзыйды деп көрсетти.  

      Филиалымызда 3-4 март күнлери болып өткен «Саламат ана ҳәм бала жылы»на ҳәм 8-март Халықаралық ҳаял-қызлар күнине бағышланған  «Спорт – гөззаллық тымсалы»  сүрени астында филиал ҳаял-қызлары арасында өткерилген спорт жарысында жеңимпаз болған апа-сиңлилеримизди филиал администрациясы ҳәм кәсиплик аўқамы тәрепинен таярланған мақтаў жарлықлары ҳәм баҳалы  сыйлықлар  тапсырылды. Байрам кешесинде директор орынбасары У.Худайбергенова, А.Пахратдинов, Р.Бегалиева ҳ.т.б шығып сөйледи ҳәм белсенди ҳаял-қызларымызды жетискенликлери менен қызғын қутлықлады. 

       Кешениң екинши бөлими музыкалы дәстүрлер, талантлы профессор-оқытыўшылардың қосықлары менен кеше қызықлы болды. Ташкент қаласынан келген мийманлардан Мамутов Фурқат өзиниң скрипкадағы сазы ҳәм қосықлары менен сахнаны жанландырды. Байрам кеўилли, ҳаял-қызларымыздың жузлеринде қуўаныш ҳәм кулки менен даўам етти.