(8361)222-84-07

slabo

  • sla123
  • slay321
  • tashpminf1
  • tashpminf2
  • tashpminf3
  • tashpminf4
  • tashpminf5
  • Tashkent pediatriya meditsina instituti No'kis filiali

21-сентябрь–“Халықара тынышлық куни” мунәсибети менен “Тынышлық – халық параўанлығының гиреўи” темасындағи ушырасыў ҳаққында

Written by mednf.uz on .

tinishliq 

  Мәжилисти Руўхыйлық ҳәм ағартыўшылық ислери бойынша директор орынбасары А.Ермекбаева ашып берди ҳәм алып барды. Кирис сөзинде ушырасыў мийманлары менен бәршени таныстырып, өткизилип атырылған ушырасыўдың мақсети ҳәм әҳмийети ҳаққында тоқтап өтти.

 

    Қарақалпақстан Республикасы Ишки ислер министрлиги бөлими баслығының орынбасары майор Ниетбай Қыдырбаев мәмлекетимизде тынышлықты сақлаўда биринши гезекте жаслар арасында жынаятшылық ҳәм хуқықбузарлықтың алдын алыў бойынша бүгинги күнде әмелге асырылып атырған бир қатар илажлар ҳаққында айтып өтти.Ҳәзирги күнде жоқары оқыў орынлары талабалары арасында жынаятшылық ҳәм ҳуқықбузарлықларға жол қойылып атырғанлығы,олардан әсиресе оқыў процесси даўамында билип,билмей қол урып атырған жасларымыз ҳаққында мағлыўматлар берип өтти.Бундай әмелге асырылып атырған хуқықбузарықларға арнаўлы қойылған статья ҳәм жаза түрлери менен талабаларды таныстырып өтти.

   Қарақалпақстан Республикаси Ишки ислер министрлигиниң “Тынышлық сақшысы” газетасының бас редактори, Өзбекстан Республикаси Жазыўшылар аўқамы ағзасы шайыр Жуманияз Өтениязов сөзге шығып,өзиниң ең белгили китапларинан бири болған “Жынғыл гуллери” қосық китабинан терең мазмунға ийе тынышлық ҳаққындағи қосықларинан оқып еситтирди.Әсиресе ониң Уатан қорғаушылары атлы қосығы талабалар журегинен орын алды.Қарақалпағистан Республикаси Нөкис имам-ишан Муҳаммед Жоме мешити имам орынбасары Жолаўшиев Айбек сөзге шығып биринши нәубетте елимиздың тынышлығы ҳаққында айтип өтти.Шариат низамларинан келтирип тынышлық бул сәлем бериўден басланади.Ассалаўма алейкум деген сизге тынышлық тилеймен дегенди,Ўалейкум ассалам – сизгеде тынышлық тилеймен дегенди билдиреди деп айтип өтти. Мәжилис талабалардың таярлап келген Уатан ҳаққындағы қосық тақмақлари менен даўам етти ҳәм ушырасыў даўамында талабалар тәрепинен өзлериниң қызықтырған сораўларына тийисли қәнийгелер тәрепинен жуўаплар алды.

tinishliq 1

tinishliq 2