(8361)222-84-07

Ташкент педиатрия медицина институты Нөкис филиалы мәжилислер залында «Өзбекистан Республикасы Конституциясының 25 жыллығы» байрамы мүнәсибети менен өткерилген ушырасыў

Written by mednf.uz on .

8-dekabr fon

 

 Ушырасыўды ТашПМИ Нөкис филиалы оқыў ислери бойынша директор орынбасары М.Қурбаназаров ашып берди.Соң Өзбекистан ҳәм Қарақалпақстан Республикасынын мәмлекетлик гимнлери жанлады.Ол өз сөзинде барлық қатнасыўшыларды, профессор-оқытыўшыларды Конституциямыздың 25 жыллық байрамы менен қутлықлады. 

 

 Қарақалпақстан Республикасы Жоқары кеңесиниң комитет баслығы И.Юнусов сөзге шығып, барлық қатнасыўшыларды бүгинги байрам менен қутлықлады.Бас нызамымыз – Өзбекистан Республикасы Конституциясының қабыл етилиўи әҳмийетли сиясий, ҳуқықый ҳүжжет сыпатында жәҳәнде жана.суверен,раўажланыўы айдын мәмлекет дуньяға келгениниң өзине тән гуўалығы болды.Өзбекистан Республикасы Конституциясынын идея ҳәм нормаларында халкымыздың көп әсирлик тәжирийбе ҳәм руўхый қәдириятлары, бай тарийхий ҳуқықый мийрасы сәўлеленгени оның ҳақықыйлығының кепили болып есапланады деп айтып өтти.Қарақалпақстан Республикасы Әдиллик министри Ж.Садыков Конституциямыздын 25 жыллык байрамы менен қутлықлады ҳәм Өзбекистан Республикасының Конституциясы қабыл етилген сәне суверенли республикамыздың раўажланыўында ҳәм еркин пуқаралық жәмийет қурыў жолында айрыкша әҳмийетке ийе байрам сыпатында турмысымызда үлкен орын ийе екенлигин атап өтти.Бул тарийхый ҳүжжет жаңа ғарезсиз жәмийеттиң исенимли ҳуқықый кепилликлерин қәлиплестирди ҳәм беккемледи.

  8-dekabr

      Районлар ара экономикалық судының баслығы Б.Убайдуллаев сөзге шықты.Баянатшы буннан жигирма бес жыл бурын халкымыз тарийхында үлкен ўақыя жуз бергенлигин, 1992-жылы 8-декарь күни мамлекетимиздин тийкарғы нызамы Конституцияны кабыл еткенлигин, бул байрамды халкымыз елимизде әдилликти, нызам үстемлигин, еркин демократиялык пукаралык жәмийет, хукыкый мәмлекет курыў жолында исенимли қәдем таслаған күн сыпатында ҳәр жылы салтанатлы түрде белгиленип киятырғанлығын атап өтти.Конституцияда экономикалык ҳәм жеке хукыклар, яғный меншик ийеси болыў, мийнет етиў, еркин кәсип танлаў, бийпул емлениў, билим алыў хукыклары көрсетилген.Усы конституциялык нормалардын орынланыўы Республикамызда ҳәрекеттеги баска нызамлар, нормативлик хужжетлер, пәрманлар аркалы тәмийинленип атырғанлығын атап өтти.Филиал юристи А.Палекеев баянаты менен шықты. Конституция – бул мәмлекеттиң тийкарғы нызамы болып, пухаралардың ерк-ықрарын сәўлелендириўши, инсан ҳуқықлары ҳәм еркинликлерин ҳәм де нызам менен қорғалатуғын мәплерин тәмийинлеўши, мәмлекет органлары хызметин тәртипке салыўшы ҳәм жумыс алып барыў принциплерин беккемлеўши ең жоқары юридикалық күшке ийе болған ҳүжжет.Өзбекистан Республикасының Конституциясы мәмлекетимиз ғәрезсизлигиниң ҳуқықый тийкары, халқымыз еркинлигинин жоқарғы көриниси болып табылады. Әҳмийети жағынан баҳа беретуғын болсақ, Конституция дүнья сиясий картасында жаңа суверен демократиялық мәмлекет Өзбекистан Республикасы қарар тапқанын нызамластырыў болып табылады.Ушырасыў соңында талабалар өзлериниң қызықтырған сораўларын берди ҳәм тийисли қәнигелер тәрепинен жуўаплар алды.Жыйналыс соңында филиал талабалары Конституция,Ўатан туўралы қосықлар оқып берди.Филиал оқыў ислери бойынша директор орынбасары келген мийманларға миннетдаршылық билдирди.Жоқарыда айтылған мәселелер бойынша пикир ҳәм усыныслардан келип шығып жыйналыс.